ಗೋಧಿ ಬಣ್ಣ .... ನಾ ಕಂಡಂತೆ

ಈ ವರ್ಷದ ದೊಡ್ಡ ಹಿಟ್ ಎಂದು ಪರಿಗಣಿಸಲ್ಪಡುವ ಚಿತ್ರ ಗೋಧಿ ಬಣ್ಣ ಸಾಧಾರಣ ಮೈಕಟ್ಟು , ಸಧಭಿರುಚಿಯ ಶ್ರೇಷ್ಠ ಚಿತ್ರ ಎಂದು ಹೇಳಬಹುದು. ನಗರದ ಜನ ಸಾಮಾನ್ಯರು ಕಾಣುವಂತಹ ಒಂದು  ವಿಶಿಷ್ಟ  ಸಮಸ್ಯೆಯನ್ನು ಎತ್ತಿಕೊಂಡು, ಚೆನ್ನಾಗಿ ವಿಶ್ಲೇಷಿಸಿ , ಮನಮುಟ್ಟುವ  ನಟನೆಯೊಂದಿಗೆ ಪ್ರೇಕ್ಷಕರ ಮುಂದಿಟ್ಟ ಒಳ್ಳೆಯ ಪ್ರಯತ್ನ.  ನಗರೀಕರಣದ ಸಂಕೀರ್ಣತೆ ಯಲ್ಲಿ ಮುಳಿಗಿದ ಈಗಿನ ಯುವ ಜನಾಂಗ ಮತ್ತು ಈ ಜನಾಂಗಕ್ಕೆ ಅಂಟಿ ಕೊಂಡಿರುವ ಅದರ ಬೇರು (ತಂದೆ ತಾಯಂದಿರು) -- ಇವೆರಡರ ನಡುವಿನ ಅಸಹಾಯಕ ಹಾಗೂ ಅರಿವಿಲ್ಲದ ಘರ್ಷಣೆಯೇ ಈ ಚಿತ್ರದ ಮೂಲವಸ್ತು. ಇದುವರೆಗೂ ಯಾರೂ ನಮ್ಮ ಚಿತ್ರರಂಗದಲ್ಲಿ ಈ ವಿಷಯ ಕೈಗೆತ್ತಿಕೊಂಡಿರಲಿಲ್ಲ. ಕತೆಗಾರರಿಗೆ ಹಾಟ್ಸ್ ಆಫ್ .

 

 

ಇತ್ತೀಚಿಗೆ ತೆರೆಕಂಡ ಹಿಂದಿ ಸಿನೆಮಾ ಪೀಕು (ಅಮಿತಾಭ್ ಬಚ್ಚನ್ , ದೀಪಿಕಾ ಪಡುಕೋಣೆ )ನೆನಪಿಗೆ ತರಬಹುದಾದ ಈ ಚಿತ್ರ, ನನಗೆ ಕಂಡದ್ದು ಸ್ವಲ್ಪ್ ವಿಭಿನ್ನ ಮತ್ತು ಅದಕ್ಕಿಂತ  ಶ್ರೇಷ್ಠ.

 

ಅಲ್ಜ್ಐಮರಸ್ (Alzheimer) ರೋಗದಿಂದ ನೆನಪು ಕಳೆದುಕೊಂಡ ತಂದೆ ಹಾಗೂ ತನ್ನ ವೃತ್ತಿಯಲ್ಲಿ busy ಯಾದ ಮಗನ ನಡುವಿನ ತಾಕಲಾಟ; ವ್ರಿದ್ಧಾಶ್ರಮದಿಂದ ಕಳೆದುಕೊಂಡ ತಂದೆ ಹಾಗೂ ಅವನ ಹುಡುಕಾಟದ ಪ್ರಯತ್ನ; ನಾಯಕ ಹಾಗೂ ತಂದೆಯ ಉಪಚಾರಕ್ಕಿದ್ದ  ಡಾಕ್ಟರ - ಇವರಿಬ್ಬರ ಪ್ರಯತ್ನ; ಕಳೆದುಕೊಂಡ ವ್ಯಕ್ತಿಯ ಬಗ್ಗೆ ಇಬ್ಬರ ವಿಭಿನ್ನ ದೃಷ್ಟಿಕೋನ; ನಡುವೆ ಅಂಕರಿಸುವ ಸೂಕ್ಷ್ಮ ಪ್ರಣಯ, ಇವೆಲ್ಲವೂ ಸಿನೆಮಾದಲ್ಲಿ ಬಂದು ಹೋಗುವ ಮುಖ್ಯ ಸನ್ನಿವೇಶಗಳು.

 

ಈ ಮಧ್ಯದಲ್ಲಿ ಕೆಲವು ಕಾಂಟ್ರಾಕ್ಟ್ ಕೇಡಿಗಳ ಆರ್ಭಟ ಹಾಗೂ ಅವರ ಕೈಯಲ್ಲಿ ಸಿಕ್ಕಿಕೊಂಡ ತನ್ನ ಅರಿವೇ ಇಲ್ಲದ ವಯಸ್ಕ ವ್ಯಕ್ತಿ ;  ಕೇಡಿಗಳ ಸ್ಥಿತಿ , ಅವರ ಅನಿವಾರ್ಯತೆಗಳು ಹಾಗೂ ದೌರ್ಬಲ್ಯಗಳು ಕಥೆಯಲ್ಲಿ ನುಸಿಳಿವೆ ಅನ್ನಿಸುತ್ತೆ.

 

Flashback ನಲ್ಲಿ ಅನಂತ್ ನಾಗ್ ಅವರ ಅಭಿನಯ ತುಂಬಾ ಮನೋಜ್ನ್ಯ . ಕತೆಯ ನಂತರ ಇಡೀ ಚಿತ್ರದ ಮುಖ್ಯ ಅಂಶ ಎಂದರೆ ಅನಂತನಾಗ್ ಅವರ ಅಭಿನಯ. ರಕ್ಷಿತ್  ಹಾಗೂ  ಶ್ರುತಿ ಕೂಡ ತುಂಬಾ ಅಚ್ಚುಕಟ್ಟಾಗಿ ತಮ್ಮ ಪಾತ್ರ ತುಂಬಿದ್ದಾರೆ .

 

Family ಥೀಮ್ನೊಂದಿಗೆ ಬಂದಿರುವ ಈ ಚಿತ್ರದಲ್ಲಿ ಕ್ರಿಮಿನಲ್ ಗಳ  ಹಲವಾರು ದೃಶ್ಯಗಳು ಅನವಶ್ಯಕ ಅನಿಸಿದೆ. ಕಿಡ್ನಾಪ್ ಹಾಗೂ ಕೇಡಿಗಳ ಜೀವನ , ಚಿತ್ರದ ಮುಖ್ಯ ಕತೆಗೆ ಹೊಂದಿಕೊಳ್ಳುವುದಿಲ್ಲ . ಸ್ವಲ್ಪ ಬೇರೆ ರೀತಿಯಲ್ಲಿ ಇದನ್ನು ಚಿತ್ರಿಸಬಹುದಿತ್ತು.

ನಾಯಕ-ನಾಯಕಿ  "ಕಾಣೆಯಾಗಿದ್ದಾರೆ"  poster ಅಂಟಿಸುವ ದೃಶ್ಯ ಮತ್ತೆ ಮತ್ತೆ ತೋರಿಸಿ ಚಿತ್ರದ ಬಿಗಿತವನ್ನು ಸ್ವಲ್ಪಮಟ್ಟಿಗೆ ಸಡಿಲಿಸಿದ್ದರೇನೋ ಅನಿಸುತ್ತದೆ . ಹಾಡುಗಳು ಚೆನ್ನಾಗಿದ್ದರೂ ಅವುಗಳ ಪ್ರಾಮುಖ್ಯತೆ ಸ್ವಲ್ಪ್ ಕಡಿಮೆ.

ಈ ದೃಶ್ಯಗಳನ್ನು ತೆಗೆದು ಹಾಕಿದ್ದರೆ ,  ಇನ್ನೂ ೧೦-೧೫ ನಿಮಿಷ ಚಿತ್ರದ ಅವಧಿಯನ್ನು ಕಡಿಮೆ ಮಾಡಬಹುದಿತ್ತೇನೋ .

 

ಒಟ್ಟಾರೆ ಈ ವರ್ಷ ಕಂಡ ಶ್ರೇಷ್ಠ ಚಿತ್ರಗಳ ಸಾಲಿಗೆ ಗೋಧಿ ಬಣ್ಣ..  ಸೇರುವುದರಲ್ಲಿ ಯಾವುದೇ ಸಂಶಯವಿಲ್ಲ . 

ನನ್ನ ಮೆಚ್ಚಿನ ಚಿತ್ರ -- Life is Beautiful

ಇಟಾಲಿಯನ್ ಭಾಷೆಯ ಈ ಚಿತ್ರ ೧೯೯೭ರಲ್ಲಿ  ತೆರೆಗೆ ಬಂತು.  ರೊಬೆರ್ಟೋ ಬೆನಿಗಿನಿ ನಟಿಸಿ ನಿರ್ದೇಶಿಸಿದ ಈ ಸಿನಿಮಾ  ಸಾಕಷ್ಟು ಆಸ್ಕರ ಪ್ರಶಿಸ್ತಿಗಳನ್ನು ಗಳಿಸಿಕೊಂಡಿತ್ತು.

Tragicomedy ತರಹದ ಈ ಚಲಚಿತ್ರ ನಗುವಿನ ಹೊನಲಿನ  ಜೊತೆಗೆ ಗಂಭೀರ ಹೃದಯವೃದ್ರಾವಕ ದೃಶ್ಯಗಳನ್ನೂ ಒಳಗೊಂಡಿದೆ.

 

ತಿಳು ಹಾಸ್ಯದೊಂದಿಗೆ ಶುರುವಾಗುವ ಕತೆ, ನಾಝಿ ಕ್ಯಾಂಪ್ ನಲ್ಲಿ ಕೊನೆಗೊಳ್ಳುತ್ತದೆ .

 

Jew ಜನಾಂಗದ ನಾಯಕನ ಪರಿವಾರವನ್ನು ಜರ್ಮನ್ ನಾಝಿ ಸೈನಿಕರು concentration ಕ್ಯಾಂಪ್ ನಲ್ಲಿ ಹಿಡಿದಿಟ್ಟಾಗ ತಂದೆ ಹಾಗೂ ಅವನ ಚಿಕ್ಕ ಮಗನ ನಡುವಿನ ಆಟ - ಒಡನಾಟ ಈ ಸಿನಿಮಾದ ವಸ್ತು. ಮಗನಿಗೆ ಏನೂ ಅರಿವಾಗದ ಹಾಗೆ ಕ್ಯಾಂಪ್ ನಲ್ಲಿನ ಎಲ್ಲ ಚಿಟುವಟಿಕೆಗಳಿಗೆ ಒಂದು ಆಟದ ಹೆಸರಿಟ್ಟು ಮಗನನ್ನು ನಾಝಿ ಸೈನಿಕರಿಂದ ಬಚ್ಚಿಡುವ ಸನ್ನಿವೇಶಗಳಂತೂ ಕಣ್ಣಲ್ಲಿ ನೀರು ತರಿಸದೇ ಇರುವುದಿಲ್ಲ. ಮಗನಿಗೆ ತಂದೆಯ ಬಗ್ಗೆ ಅಭಿಮಾನ ಹಾಗೆಯೇ ಮಗನ ಮೇಲೆ ತಂದೆಯ ಉತ್ಕಟ ಪ್ರೀತಿಯನ್ನು ನಿರ್ದೇಶನ ಹಾಗೂ ನಟನೆಯಲ್ಲಿ ಅತ್ಯುತ್ತಮವಾಗಿ ಸೆರೆಹಿಡಿಯಲಾಗಿದೆ.

 

ಚಿತ್ರಕತೆ, ನಿರ್ದೇಶನ ಹಾಗೂ ಅಭಿನಯಕ್ಕೆ ನೋಡಲೇಬೇಕಾದ ಚಿತ್ರ Life IS Beautiful.